「掠奪號」守護海濱

【明報專訊】爭取政府放棄將解放軍碼頭改劃做軍事用地嘅「中環海濱關注組」，噚日正式成立，仲喺中環10號碼頭「打頭炮」。關注組請到藝術家黃國才，用紙皮箱創作咗一艘「掠奪號」，表達香港人一定要盡力守護自己嘅休憩空間，唔好輕易畀人奪走嘅信息。中環海濱關注組話，早前就解放軍碼頭一事，邀請過特首梁振英同發展局長陳茂波一齊嚟海濱辯論一番，但最終兩人無接受邀請。