陳冠康電郵傳媒

【明報專訊】最近港大學生會合法爭議鬧得沸騰，但一直唔肯交出「帥印」嘅前港大學生會會長陳冠康未有出聲。Emily早前打過電話畀佢就無人聽，直至噚日收到一封陳冠康電郵，佢話家身處泰緬邊境義教緬甸難民英文，仲話7月會去緬甸仰光一間由全國民主聯盟管理嘅學校繼續義教，到時仲有機會拜訪緬甸民主女神昂山素姬喎。


至於港大事件，陳冠康喺電郵中不點名話，曾多次聯絡現屆學生會對話，但因「他們幕後的政治勢力及老鬼意見分歧」未能成事，認為現莊擬提司法覆核係「未能獨立、成熟地自行處理事情」嘅表現。佢又提醒現莊「切勿因一時虛榮而被人利用，無意識地成為政治鬥爭的棋子」，認為現莊道歉落台、重新選舉先至可以解決問題。