古思堯審前飲花雕

【明報專訊】古思堯（圖）噚日就燒區旗案去東區法院受審，不過佢睇嚟一啲都唔擔心，身上仲掛住兩條長紙牌，上面寫住「心情愉快第四次入獄」等字句。


睇真啲，古思堯拎住支花雕酒，入法庭前仲飲咗幾啖「壯吓膽」。之後長毛帶領一眾到場聲援嘅社運人士，為去年懷疑「被自殺」嘅維權人士李旺陽默哀，長毛問古思堯借咗支花雕，倒咗啲喺地下，為李旺陽奠酒。


長毛借花雕 為旺陽奠酒

不過，可能長毛倒得太大力，花雕差啲灑咗落攝影哥哥身上，搞到長毛係咁講「唔好意思」。悼念儀式完成後，長毛「忍唔住」偷嘗咗幾啖花雕，之後先至畀番古思堯。