胡恩威批悼六四情緒化

【明報專訊】前晚支聯會話有15萬市民冒住大雨守護燭光，喺維園悼念六四24周年，不過進念二十面體藝術總監胡恩威就喺facebook留言，批評「為什麼香港人只可以用最情緒化的方式紀念六四？為什麼香港這二十四年只會用最容易方便和最表面的方法去『爭取』平反六四？」佢又指六四後香港沉淪，文化低俗化，示威又情緒化，又揶揄「平反六四？吹水吹咗二十四年了」！

呢番言論惹來唔少人抨擊，支聯會前副主席岑建勳就響呢番言論下面留言說﹕「如果這樣是低俗的話，那我岑建勳很榮幸地承認自己低俗，胡恩威先生和陳雲先生你們這些高高在上說三道四的高尚之士，我看不起你們的高尚。」


「唔係話赴會者低俗 係話文化低俗」

Emily問胡恩威點睇被圍攻，佢解釋，自己確係認為港人爭取平反六四嘅機會成本太低，好似「一年一度中秋節賞月」，反而喺大陸、喺北京，爭取平反六四嘅人要坐監，有好大機會成本。佢堅持自己言論無講錯，但澄清唔係話出席晚會嘅人低俗，只係話六四後香港文化走向低俗。佢仲認為爭取中國民主，應該要返內地搞有建設性嘅事，同埋要搞好香港，保住香港，先有實力同中共講歷史。