3D打印 送別巨鴨

【明報專訊】黃色巨鴨話咁快就要走啦，海港城會喺周日晚10點鐘熄燈歡送鴨仔，想睇就要快喇。為咗歡送鴨仔，海運大廈玩具“反”斗城喺今日至後日舉辦「BYE BYE 巨型橡皮鴨3D 立體派對」展覽，主辦單位仲整咗300隻限量版「3D “R” Duck」紀念品，每隻都附設一個3D嘅個人化名牌，但已經全數畀會員認購晒。


今次展覽係亞洲第一個展示3D 立體打印技術應用喺零售層面嘅活動，只要用電腦輸入設計程式，再喺3D打印機加入有關材料，就可以逐層打印出任何形狀嘅實體。展覽嘅開放時間係今日至周日上午10時至晚上10時，入場費全免。