渡海泳新增優悠組

渡海泳新增優悠組

【明報專訊】復辦第3年「新世界維港泳2013」今年10月6日舉行，由鯉魚門三家村公眾碼頭，游去魚涌公園公眾碼頭，今日起接受報名，名額由上年1800加到2000，仲加埋優悠組及國際組，而且會有奧運選手參加。

貼近國際賽 吸引奧運選手

香港業餘游泳總會義務秘書王敏超話，比賽前一日係國際泳聯世界盃馬拉松游泳賽香港站賽事，兩個賽事加埋獎金豐富，而且只係留多一天，相信可以吸引50至70名國際選手參與，包括奧運選手。

有參賽者話舊年賽道要轉彎，非常混亂，今年主辦單位決定拉直賽道，終點加設浮台，方便參賽者上岸。主辦單位亦會賽前將岸邊蠔殼剷平，減低受傷風險。

拉直賽道 加設浮台

今年新增優悠組有1500個名額，只要符合參賽資格，即係45分鐘內完成1.5公里，即可參與抽籤，一改以前用成績決定做法。王敏超話，希望新做法可以令更多市民有機會維港暢泳，所以優悠組唔設名次，只要完成就可獲證書。