半島月餅加價八成 只限網購

【明報專訊】每次發售都會引起搶購潮嘅半島酒店嘉麟樓限量奶黃月餅，噚日提早宣布，會喺7月4日公開發售，但只限網上訂購，仲要大幅加價88％，每盒盛惠485蚊。


半島酒店話，月餅會喺7月4、5、6日早上8時開始接受預訂，每日配額售罄之後將停止接受訂購；每個訂單只可買最多20盒月餅。半島解釋，加價係為咗將月餅重新定位為尊貴級別，不過，每賣出一盒月餅，將捐出85蚊畀慈善團體。上年月餅發售時，有炒家大手筆掃入逾百張餅券，近4萬張餅券喺1個鐘頭內售罄，有排隊顧客因買唔到月餅而報警，半島希望網上訂購可以減少混亂咁話。