新聞類別
財經
詳情#
【明報專訊】內地網購盛行，唔少老牌百貨業驚蝕底都要搞埋一份，不過錢燒咗一大把，成效就麻麻。同樣係業界元老嘅新世界百貨（0825）就謹慎得多。新百貨企業事務總監胡玉君同小琴講，網購始終唔係新百貨本行，有錢都要花喺刀口上。而觸電（即搞電子商務）未必就一定係搞網購，反而利用微博、微信做宣傳，唔單止平，效果仲好過登報。
寧利用微博微信做宣傳
百貨公司做宣傳，傳統上無非賣廣告、搞活動，仲有就係發手機短信，一年搞落來起碼都要上千萬成本，而新一代消費生力軍又未必會睇。喺手機不離手嘅年代，微博、微信反而離目標群更加近。
新百貨就為旗下每個主要商場都註冊一個微博帳戶。譬如北京新百貨嘅微博就有65萬粉絲，成都新百貨有17萬粉絲，加加埋埋總共都有360萬人，相當於半個香港嘅人口。扣除啲僵粉（即不活躍粉絲），活躍粉絲總都有100萬人，加埋轉發人數都唔係細數。
而搞呢個，只不過需要請個內容運營管理公司維護下帳戶就得。新百貨喺微博上除咗發啲新產品介紹、優惠積分活動，仲不時會有搞笑圖片、情感短句、天氣預報，活躍氣氛嘅同時又提醒下粉絲，得閒會唔會來百貨行下街呢？
寧利用微博微信做宣傳
百貨公司做宣傳，傳統上無非賣廣告、搞活動，仲有就係發手機短信，一年搞落來起碼都要上千萬成本，而新一代消費生力軍又未必會睇。喺手機不離手嘅年代，微博、微信反而離目標群更加近。
新百貨就為旗下每個主要商場都註冊一個微博帳戶。譬如北京新百貨嘅微博就有65萬粉絲，成都新百貨有17萬粉絲，加加埋埋總共都有360萬人，相當於半個香港嘅人口。扣除啲僵粉（即不活躍粉絲），活躍粉絲總都有100萬人，加埋轉發人數都唔係細數。
而搞呢個，只不過需要請個內容運營管理公司維護下帳戶就得。新百貨喺微博上除咗發啲新產品介紹、優惠積分活動，仲不時會有搞笑圖片、情感短句、天氣預報，活躍氣氛嘅同時又提醒下粉絲，得閒會唔會來百貨行下街呢？
留言 (0)
