佔中D-Day 「路障」防反枱

【明報專訊】民主黨噚日派出18名糾察，為佔中築成守護「第一防線」，應對「沉默之聲」嘅衝擊。佢哋喺大堂將幾張枱拼埋一齊，用齊膠紙、索帶同尼龍繩多重綁實枱腳，似乎真係驚陳廣文佢哋會反枱，有人笑言呢個設計似足《孤星淚》入面抵禦法軍嘅路障。原來呢條橋係由支聯會主席李卓人同前常委岑建勳諗出嚟，據聞大會搵佢哋幫手，係因為佢哋較熟大型活動保安問題，而整個路障出嚟係想避免糾察同示威者有直接接觸。


另外，佔領中環噚日搞咗第一次商討日（D-Day 1），有唔少行家採訪，近期被警方控告非法集會嘅佔中義工陳玉峰（Melody）曾是記者，所以佢噚日一收到Emily同其他記者行家嘅卡片，就整合資料，開咗個WhatsApp群組，將最新消息話畀傳媒聽，Emily真係要畀個「like（讚好）」佢！

Melody開WhatsApp報料快

Melody仲不時發電郵通知傳媒，連facebook群組都更新得好快，中英文版本齊晒，等唔喺現場嘅網民都可以即時知道發生緊乜嘢事。