郵輪碼頭紀念票有得賣

【明報專訊】啟德郵輪碼頭後日啟用，香港郵政發行咗10蚊同20蚊嘅碼頭郵票，同市民一齊紀念呢個世紀時刻，今日起就可以去郵局買番張！

銀箔燙印20蚊郵票

郵票以東九龍一帶景物做背景，從高處望落機場跑道嘅郵輪碼頭，喺陽光照射下閃閃生輝。香港郵政高級經理李振宇話，面值10蚊嘅郵票以平版技術印製，面值20蚊嘅就用銀箔加燙壓技術印製，想見證啟德郵輪碼頭嘅集郵迷，唔好錯過。