海港城轉style

【明報專訊】維港巨鴨短短一個月幫海港城帶嚟700萬人流，聽講放咗氣嘅鴨仔會由海港城保留，唔知會唔會再展出？海港城置業有限公司零售租務及業務發展總經理李麗儀，喺2013香港夏日盛會宣傳時話，會喺7月15日到8月4日同梵高博物館合作，喺海港城美術館展出5幅以最新科技仿製嘅梵高作品，又會喺商場地下走廊介紹梵高嘅自畫像同生平。


5幅仿製作品

不過，梵高嘅畫就出名憂傷，同埋梵高係吞槍自殺，似乎同巨鴨嘅快樂有好大對比，未知到時巿民會唔會同樣踴躍呢？

同一時間，海港城亦配合旅發局同Visa合辦嘅香港夏日盛會，喺呢個月21日到出年3月31日，會有折扣優惠及獎品換領，希望可以食住條水，延續巨鴨傳奇。