曾鈺成想「裸退」

【明報專訊】立法會主席曾鈺成上年話想選特首，最終無付諸實行，唔少記者行家不時都問佢，會唔會捲土重來。佢早排接受《AM730》同Now新聞台專訪，除咗否認會選特首，仲講明連立法會都唔會再選，實行「裸退」咁話。


望公眾對佢保持幻想

曾主席今日開始去英國下議院等機構職務外訪5日，佢喺訪問中話，若有意出嚟選特首，就要諗做嘅每件事係加分定減分，就會有好多顧慮同包袱，到時寧願「悶聲發大財」，先至係最聰明。佢寧願他日塵歸黃土嗰時，公眾對佢仍保持幻想，勝過蓋棺定論質疑佢「好唔掂」。睇嚟曾主席都幾「愛惜羽毛」喎。


佢話，泛民成日講特首普選唔應該有篩選嘅說法係廢同埋假議題，佢又話如果有幾萬人先至可以提名特首候選人，巴士阿叔點搵到足夠提名，到時阿叔話「你咪篩選咗我？呢個係假普選喎！」