Sexy BB吳千語搭港鐵 大胸朱千雪任影唔嬲

【明報專訊】香港小姐競選踏入41周年，今年口號「超越想像」，昨日首輪面試，佳麗質素確實「超越想像」，除了不足10位佳麗較為標青之外，不乏極品及重口味，燕瘦環肥，艷「驚」全場。當中最「驚」人是貌似「牛下女車神李慧詩」、女生男相的Charlaine，她曾參加港姐面試而落選，今次再接再厲，勇氣可嘉。至於靚女組，有「翻版超蓮」Jenny、來自德國的「Sexy BB吳千語」Sisley、「大胸朱千雪」劉溫馨。


參加首輪面試的佳麗共129位，真正睇得上眼的靚女寥寥可數，質素參差，絕大部分「騎呢」居多。最養眼首選「翻版超蓮」Jenny，她樣子甜美，似足賭王千金何超蓮，穿著黑色裙斯文大方。從德國返港的Sisley笑容親切，有點似吳千語，她一身露背透視裝，透出黑Bra，應記者要求做「影後」有求必應，她還甜笑撒嬌：「我塊面唔靚咩？」因而贏得「Sexy BB」稱號；面試後，她與部分佳麗乘搭港鐵，個性爽朗的她傾到雞啄唔斷。


「黑妹胡杏兒」騷事業線

穿著粉紅裙的「大胸朱千雪」名叫劉溫馨，胸前偉大，她在調景嶺上車時，風騷地挺胸給傳媒拍照，一度「凸點」。「黑妹胡杏兒」Zoe一襲低胸裙勁騷事業線，她更左擰右擰任影唔嬲，充滿自信。紅髮Rebecca韓國味濃，極為搶鏡。


瘦骨如柴重口味

24歲前無綫娛樂新聞台記者Kathleen也來面試，她說：「特別辭工參加選美，我想挑戰自己！」有兩位女子曾參加港姐首輪面試而落選，不過她們再接再厲，例如貌似「牛下女車神李慧詩」的Charlaine，勇氣可嘉。其餘「極品」佳麗認真重口味，好多都瘦骨如柴，在調景嶺上車時，有光頭男士見到佳麗即衝前說「這個幾靚喎」，嚇得一眾女孩花容失色。


學歷高 最年長27歲

無綫製作資源部總監樂易玲及非戲劇製作總監余詠珊表示，今年報名人數逾2000人，昨日揀選400人面試，最後有129位佳麗參加；不少佳麗學歷甚高，有10多位是碩士、博士，質素不錯，會揀選60至70位進入複試。年齡差距方面則甚大，好多是19歲，年長的是26至27歲。今年大會選18位入圍佳麗，但面試時好多化了怪妝，未見到真實樣子，穿三點式時亦未見有紋身。港姐準決賽定於8月25日舉行，決賽9月1日，佳麗會抽籤分組前往8個城市拍外景。


記者：林祖傑