澳洲糊仔「去中國化」？

【明報專訊】有喺澳洲嘅內地女子買嬰兒食品時發現，產品後面嘅標籤寫明「不含來自中國的原料」，疑似同大陸劃清界線。呢位女子影咗標籤放上微博，引發內地網民激烈討論，有網民話事件「丟臉」。


呢款由澳洲Bellamy's Organic生產嘅水果糊仔，專畀4個月以上嘅嬰兒食用，有蘋果、香蕉等5種口味。Emily上過呢間公司嘅網站，發現呢5種口味嘅標籤，除咗成分列之外基本上一樣，都註明係用澳洲或進口食材於澳洲製造，後面特別標明「不含來自中國的原料」。


早幾年含中國原料成分嘅狗糧爆發有毒風波後，唔少狗糧喺標籤標明不含中國成分吸客，睇怕中國食品業要一段長時間，先至可以重建消費者信心。