加國農業部長上長江中心晤小超人

【明報專訊】「超人」李嘉誠的業務遍及全球，淨係加拿大都已經投資咗成千六億港紙。「小超人」李澤鉅做主席嘅長江生命科技（0775）亦都響加拿大有唔少業務，所以加拿大農業及農業食品部長Gerry Ritz最近嚟香港，噚日亦專程到長江集團中心同李澤鉅會面，討論加拿大投資政策同環境，唔通小超人打算響當地投資農業發展？


話時話，目前長實（0001）響加拿大主要有4個業務，最大投資額嘅係佢哋旗下嗰間加拿大石油公司赫斯基能源，其次就係Stanley Power發電廠；長科就有Santé Naturelle A.G.同WEX Pharmaceuticals呢兩家保健及藥物公司。