網民新搞作 倒數七一反思回歸

【明報專訊】之前有網民搞活動倒數佛誕，Emily噚日發現，同一班網民打算今年7．1「倒數」迎回歸16周年。發起人Dennis話，香港1997年回歸中國，慶祝活動都唔係市民自發做，回歸亦唔係香港人自己可以決定，又認為點解咁多年嚟都唔喺凌晨零時倒數，所以想喺尖沙嘴碼頭巴士總站歷史重演喎。


擬尖沙嘴搞升降旗

Dennis家諗到嗰晚會舉行升降旗儀式，或者用真旗，亦可以用象徵膠膠哋嘅氣球，圍觀者可以代入幻想自己係當年來港主持交接儀式嘅查理斯王子。


Dennis又諗住用平民化樂器，好似牧童笛、口琴，唱番英國國歌《天佑女王》，但係唱唔唱中國國歌《義勇軍進行曲》就睇情况，佢哋仲會為香港前途許願。佢希望香港人反思，究竟係回歸畀中國，抑或係做番英國殖民地好啲，不過佢自己就想維持特別行政區高度自治。