曾鈺成訪英 將旁聽卡梅倫

【明報專訊】噚日端午節公眾假期踏正星期三，所以立法會大會亦暫停，唔使主持會議嘅主席曾鈺成，就趁呢段空檔去咗英國國會訪問。噚日係第二日行程，佢上午去咗拜訪上議院議長迪蘇莎女男爵，立法會發出新聞稿，只係話兩人就共同關注事項交換意見，未有具體講明係乜，唔知係咪交流「剪布」心得，抑或講講香港普選問題呢？


曾鈺成其後同上議院國會秘書、下議院秘書會面；又旁聽專責委員會及後座議員事務委員會的會議，並與下議院行政管理委員會秘書會面，了解下議院嘅管理與行政工作。至於倫敦時間嘅周三，佢就會同下議院議長伯科議員會面，仲會喺查塔姆研究所發表演講。曾鈺成主持答問大會次數唔少，今次訪英，佢亦會旁聽英國首相卡梅倫，出席下議院答問會議。