新聞類別
財經
詳情#
【明報專訊】由變形金剛3嘅伊利舒化奶到鐵甲奇俠3出現中聯重科（1157）吊機，近年內地品牌響電影搞植入式廣告真係層出不窮，不過無論佢哋點樣扭盡六壬，都肯定唔夠人保集團（1339）旗下中國財險（2328）嘅手法厲害，事關響最近嗰套新戲《天機．富春山居圖》入面，女主角張靜初個角色直頭就係中國財險高層人員，成個故仔亦都圍繞住呢位「中國財險女高管」點樣為保護國寶《富春山居圖》歷盡艱難，最後順利完成任務。
財險仲話，比起嗰啲靠台詞、道具、場景、LOGO等等生硬粗暴式植入唔同，佢哋形容呢種係「深度情節植入」，將電影情節同財險業務完美融合。之但係對觀眾嚟講，呢套戲嘅植入廣告嚴重程度，已經去到無論係「粗暴」定「深度」都接受唔到嘅地步。
卡士雖勁 劣評如潮
點解咁講，因為呢套有劉德華、張靜初、林志玲擔大旗嘅號稱大作，內地上映之後劣評如潮，最被詬病就係過量植入廣告出現，除咗貫穿成部戲嘅財險，仲有警隊人手一部嘅Nokia手機、其他諸如汽車、酒店、網上商城、快遞公司等全部都有廣告鏡頭大特寫，搞到觀眾一致評價「以前是電影裏植入廣告，這是廣告裏植入電影」，甚至有觀眾響網上互相比併，鬥可以響部戲入面搵到幾多個植入廣告，而粗略估計，留意唔到至少10個植入廣告嘅話，原因只有兩個，一係瞓着咗，一係對品牌無知。
email: [email protected]
財險仲話，比起嗰啲靠台詞、道具、場景、LOGO等等生硬粗暴式植入唔同，佢哋形容呢種係「深度情節植入」，將電影情節同財險業務完美融合。之但係對觀眾嚟講，呢套戲嘅植入廣告嚴重程度，已經去到無論係「粗暴」定「深度」都接受唔到嘅地步。
卡士雖勁 劣評如潮
點解咁講，因為呢套有劉德華、張靜初、林志玲擔大旗嘅號稱大作，內地上映之後劣評如潮，最被詬病就係過量植入廣告出現，除咗貫穿成部戲嘅財險，仲有警隊人手一部嘅Nokia手機、其他諸如汽車、酒店、網上商城、快遞公司等全部都有廣告鏡頭大特寫，搞到觀眾一致評價「以前是電影裏植入廣告，這是廣告裏植入電影」，甚至有觀眾響網上互相比併，鬥可以響部戲入面搵到幾多個植入廣告，而粗略估計，留意唔到至少10個植入廣告嘅話，原因只有兩個，一係瞓着咗，一係對品牌無知。
email: [email protected]
留言 (0)
