「愛中環」論壇淨心無份

【明報專訊】「沉默之聲」針對「佔領中環」又有新動作，計劃今個月29號舉辦論壇，討論「佔中教育應否入校園」，請到佔中發起人陳健民同鮮魚行學校校長梁紀昌等嘉賓同場交鋒。但沉默之聲就話，冇計劃邀請愛港力到場，唔知「淨心BB」陳淨心到時會唔會不請自來？


沉默之聲搞「愛中環」系列，以呢場論壇打頭炮，出席者除咗陳健民同梁校長，仲有教協代表方景樂、親建制嘅家長聯會主席李偲嫣同油尖旺區議員莊永燦。沉默之聲成員Maureen話，汲取經驗，今次會派出10名糾察維持秩序，又話同同樣親政府組織嘅「愛港力」冇聯繫咁話。佢仲話，「愛中環」系列嚟緊除咗搞論壇，仲會搞比賽，邀請市民就「對中環嘅感情」創作