阿女帶挈 田少父親節拉頭馬

【明報專訊】噚日係馬會嘅會員日，亦係父親節，馬主田北俊選擇同家人一同入沙田馬場慶祝，並為女兒田啟安及其夫婿鄭宇名下嘅「盈威勇士」打氣。被捧為次熱門的「盈威勇士」角逐第九場三班泥地1650米會員盃，喺騎師貝湯美策騎下大勝4個馬位！


連同今次勝仗，田啟安呢匹馬今季已四捷，威過老竇嘅「閃爍武士」，不過兩父女當然無計，頒獎時，田北俊同阿女就齊齊拉頭馬。「盈威勇士」今場贏得頭馬獎金541,500元，馬主佔70%，即收379,050元。