答斯諾登郝鐵川：問外交部

【明報專訊】近日全城關注美國中情局前特工斯諾登泄密事件，Emily噚日去個拍賣活動，見到中聯辦宣傳文體部長郝鐵川，就梗係走去問佢點睇呢件事，不過郝部長好謹慎，話特首梁振英已經表態，要問都應該問外交部駐港特派員公署，呢單唔關佢事。

胡野碧想湘菜「佔中」

至於今年7月1日建制陣營係咪要搞活動動員支持政府，佢就拍一拍Emily膊頭，笑笑口就走。

講番個拍賣活動，原來係保利香港今日會拍賣湘繡湘瓷。出席睿智金融集團主席胡野碧原來都係湖南人，佢除係賓架（banker），仲有玩talk show，佢話好想湘菜全面進軍中環各大商廈，仲可以用「佔領中環」呢個品牌。

不過，佢之後就話中環就好似湘繡湘瓷，既美麗亦脆弱，係風水寶地，唔應該隨便佔領，所以應該改做「守護中環」。