馬爾代夫想吸中國客

【明報專訊】立法會議員葛珮帆（EQ）及梁繼昌等人，代表立法會去咗英國倫敦出席第62屆威斯敏特議會常規及程序研討會，呢個活動今年有來自30個地區嘅議會88名代表出席，各地議員一齊交流議會經驗。EQ話其間識到唔少朋友，仲有趣聞，有馬爾代夫議員同佢講，當地想吸引更多中國遊客，想引進更多中國廚師同埋中國食品，所以專登問吓EQ有冇好介紹喎！


EQ話馬爾代夫議員講，當地人口40多萬，有77個民選議員，為咗對抗全球暖化令水位上升嘅威脅，當地都努力發展再生能源。與會嘅肯亞資深議員知道EQ愛動物，所以好熱情咁邀請佢訪問肯亞，如果成行，EQ就可以睇到非洲動物大遷徙。