大姐大手記﹕苟芸慧唔嬲被叫「肥苟」

【明報專訊】苟芸慧自從被指是「小三」，介入郭富城與熊黛林戀情，導致兩人分手之後，不堪壓力，不停相約朋友食飯吐苦水減壓，令原本已珠圓玉潤的她更見大隻，因而被嘲「肥苟」。「肥苟」一發不可收拾，用盡方法都減唔番，身形愈見膨脹，她每次出席活動與其他女藝人企在一起，更是相形見絀。


苟姑娘之前已跟大姐大講已着手減肥，中西合璧加運動，不過大姐大日前出席某品牌新車發布會，見她站在林峯的「瘦骨仙」女友吳千語身旁，仍然覺得她「肥美」。有記者話苟姑娘點解又大隻咗？點解愈減愈肥？圍觀的男人更與女伴竊竊私語：「嘩！嗰個就係苟芸慧，好大隻，好似錢嘉樂以前嘅女朋友，錢嘉樂前女友叫乜名？」女伴答：「係咪講李珊珊呀？」男人說：「係呀！真係好似李珊珊咁大件頭。」


大姐大佩服苟姑娘，即使被傳媒不停質問為何仍這麼肥、這麼大隻、為何愈減愈肥，她都無發脾氣，還笑住一一解釋。大姐大忍不住問：「記者這樣窮追猛打，妳唔嬲？唔發火？」苟姑娘說：「我明白這是他們的工作需要。」苟姑娘認真有品，好過當日一起出席活動的吳千語與陳奕迅。


吳千語自從升呢做「峯嫂」之後，遇上唔啱聽的問題就立即黑面。Eason早前被傳媒說「肥咗好多」，他立即扯火發爛渣。其實肥咪肥囉！苟姑娘不斷被叫「肥苟」都笑笑口啦！


大姐大覺得苟姑娘開始介意自己肥胖，她日前出席無綫宣傳，有份拍微電影的她竟然在臉頰打陰影「遮闊面」，而且打得重手，非常礙眼，就如80年代無綫化妝大師陳文輝為女藝員化濃妝所打的重陰影。