新同盟推佔中無雙卡Game

【明報專訊】新民主同盟立法會議員范國威（咖喱飯），早排食住「佔領中環」個勢設計佔中三寶——T恤、摺櫈同摺扇。佢近日出咗個「佔中無雙」，原來係卡Game，借用啤牌概念設計咗50張牌，有齊左中右政壇人物，包括特首梁振英、民主黨主席劉慧卿、立法會主席曾鈺成，連愛港力召集人陳淨心都有埋。


咖喱飯同Emily講，玩家可以模擬佔中過程，當中有啲牌係「市民支持」，但有更多牌係「市民誤解」、「建制派阻攔」等。佢話，好似香港爭取普選咁，面對重重困難，要靠大家努力。不過，只要出到「爭取普選」牌，就算係勝利嘅一方。之但係如果大家想攞呢副牌賭錢就唔得喇，皆因副牌係缺少梅花6同階磚6，咖喱飯話奉勸大家專注香港民主發展喎！