「習近平」現身蠟像館

【明報專訊】國家主席習近平又訪港？原來係蠟像嚟嘅。香港杜莎夫人蠟像館噚日正式展出習近平嘅蠟像，仲邀得一班小朋友同蠟像合照。就咁睇相片，真係以為係真人。香港杜莎夫人蠟像館總經理麥婉嫻話，蠟像館定期向參觀者做意見調查，發現唔少人都想見到習近平，所似決定引入呢尊新蠟像。


身穿西裝 肚腩微現

為咗確保蠟像同真人一模一樣，負責嘅雕塑師，足足花咗半年時間鑽研數以百張習近平相片同無數小時嘅錄影片段，最終嘅製成品就係身穿西裝、雙手互扣，連習近平微隆嘅肚腩都有顯現出嚟。習近平蠟像將會喺館內嘅「風雲人物」展區永久展出，有興趣嘅可以去睇吓。