【明報專訊】特首梁振英上任一年，令不少「梁粉」失望，張堅庭亦不例外。當日明撐梁振英，全因不想另一候選人唐英年「坐定粒六」，誰知梁未上任便被爆僭建，任內更不願坦誠交代，一句「我無講過我無僭建」，令張堅庭反感，「僭建唔係最大問題，不斷辯駁先係問題，白白損失咗個翻盤的機會。」
以電影《表姐妳好嘢》系列家喻戶曉的導演張堅庭，在去年特首選舉期間，一邊幫唐英年度參選宣言，教演說技巧，一邊又明言支持CY。他說自己希望選舉有競爭，不想唐英年「坐定粒六」，其次是被梁振英的文章打動，以為香港從此有新氣象。
給梁4分不及格
但一年多後，若10為滿分，張給梁4分不及格分數。他解釋，梁振英被踢爆有僭建，但卻多番迴避，反應拙劣，「佢喺立法會講嗰句話『我無話過我無僭建』，除非你侮辱我哋嘅智慧啫。」張堅庭眼中，僭建是香港人接受的原罪，皆因香港土地昂貴，但梁不承認錯誤，就是最大的錯，「白白損失咗個翻盤的機會。」
指梁班子被迫害妄想症
張堅庭覺得，梁振英被外界覺得缺乏誠信，慢慢變得與群眾對立，反過來梁班子便「縮」，表現得害怕群眾，患了被迫害妄想症。「教育局長吳克儉係被迫害妄想症首席代表，佢唔敢面對學生家長同教師，即係乜都唔好搞，唔好錯就得。」梁振英早前被記者問到斯諾登事件，連續7次表明不評論，「7次唔評論係個腦無乜思考過，失去政治家應對問題的能力，反映佢只係開政治保險掣。呢種思維投射落民生事務，我好擔心。」
他亦擔憂梁振英身邊的人，未必跟梁說出真實情况。「我做導演好明白呢種心態，即係你套戲票房好差，但身邊的副導演同你講，唔緊要，下次再嚟囉，咁導演個心會舒服啲，但套戲其實仍然係唔掂。」張相信梁就是聽信身邊的智囊如中央政策組首席顧問邵善波等意見，令梁班子遠離群眾。
明明笑片點解變悲劇
做電影的人很明白，團隊合作很重要，張慨嘆：「梁振英就好似導演，拍緊一套5年的戲，但第一年又超支，演員又瓜咗，畀錢嗰個發覺唔妥，話你明明係拍笑片，點解變咗拍悲劇？係咪玩我？」有無後悔當日支持梁振英？「無話後悔，但用『失望』兩個字會比較合適啲。」
【註﹕「梁粉」系列受訪者，是去年曾提名、投票、撰文或站台支持過梁振英的人】
【系列之四】
明報記者 蔡傳威
新聞類別
副刊
詳情#
留言 (0)
