區諾軒扮視帝獲讚「好乳鴿」

【明報專訊】今日若天氣如常，民陣就會舉行七一遊行，民主黨早排就拍咗段片《7.1熱辣辣》，模仿無綫視帝黎耀祥拍嘅《職安真漢子》廣告，由南區區議員區諾軒粉墨登場，戴住頭盔唱出今年建制派同日搞嘅「維穩」活動。段片兩日前放上網，吸引咗幾千個點擊，唔少網民畀正評佢，仲話佢係一隻好乳鴿！


Emily睇番歌詞，主要係諷刺建制派推出多項優惠，買龜苓膏、朱義盛同唐樓吉舖都有着數，抵買抵食，跟住話建制派唱維穩音樂、搞嘉年華，又話愛港力召集人陳淨心同香港各界慶典委員會主席鄭耀棠好吸引。區諾軒喺段片最後仲「wild」咗一聲，佢自己都忍唔住笑咗出嚟。