長毛打呔赴會 自拍被帶走

【明報專訊】社民連主席長毛梁國雄噚日朝早一身西裝、打晒呔喺會展慶回歸酒會做例牌動作，就係向特首梁振英（CY）示威。不過今年佢連入場都入唔到，之前咁多年做議員都可以入場，今年就畀民政總署人員要求繞道，之後又畀十幾個保安圍住，佢哋解釋話今年情况唔同云云。結果長毛要等到CY離場至入到去，佢喺記者採訪期間高叫梁振英下台同實現雙普選口號，被保安帶走，但長毛無有怕，一邊被拉走一邊玩自拍，Emily未見過有人被拉走仲四萬咁嘅口。


長毛又話本來想打哲古華拉肖像嘅呔，但係搵唔到，臨時搵咗台灣立法院送嘅絲質呔。另日前收到恐嚇叫佢唔好遊行嘅長毛又話，要求咗警方保護，但噚日遊行時冇警察喺隔籬。