梵高高清大作訪港

【明報專訊】早前尖沙嘴海港城放咗隻吹氣巨鴨出嚟，唔少港人同Emily一樣都有專程去睇；送走咗肥鴨，嚟緊就輪到荷蘭後印象派畫家梵高，今次有份搞嘅係荷蘭阿姆斯特丹梵高博物館，仲首度用三維科技將梵高嘅作品活現香港。


呢種技術叫Relievo，將梵高（Vincent van Gogh）5幅作品《向日葵》、《雷雨雲下的麥田》、《盛開的杏樹》、《豐收》同《克里希的大道》做咗個「高清複製品」，搬到香港。


新技術保持原作水準

呢種技術原理就好似家好流行嘅3D打印咁，保留番原作比例、用色、亮度同材質等。梵高曾侄孫（即梵高細佬個曾孫）、梵高博物館董事會顧問Vincent Willem van Gogh，今個月15號會嚟香港剪綵，作品喺7月16號到8月4號喺海港城•美術館展出。