馬時亨獲委港鐵非執董

【明報專訊】過去個多月嘅傳聞噚日獲得證實，曾因健康問題中途離開官場嘅前商務及經濟發展局長馬時亨，獲港鐵委任為非執行董事，至於佢會唔會如傳聞中最後成為港鐵主席，就要到2015年底現任主席錢果豐任滿時先知嘞！除「肥馬」外，消委會前總幹事陳黃穗同運輸署前副署長陳阮德徽都入咗港鐵董事局。


另外，港鐵為咗慶祝機場快線15周年，今日起連續4個星期五推出網上團購優惠，市民當日下午3點登入Groupon網站，即可以15蚊購買機場快線單程票，來往機場同機場快線車站（機場博覽館站除外），每人每次限買4張。


機鐵15歲推團購優惠

機場快線會喺市民買飛後7個工作日內寄出換領券，市民要喺9月30日或之前換領。