絕食逾140個鐘 慢必：無限期都得

【明報專訊】「民主倒梁力量」七一遊行之後接力絕食，其中人民力量陳志全（慢必）就由頭絕食到家，至噚晚超過140粒鐘。Emily呢幾日立法會撞到慢必，見到佢精神唔錯，不過絕食到前晚佢發現尿液開始有酮酸，唔知佢頂唔頂得順？

慢必噚日同Emily講，調理之後就無「尿酮」，但係容易，起身一個鐘又要番兩個鐘，手腳都慢。佢話家接力到第四棒，自己希望起碼可以絕食到禮拜四特首答問大會，仲表明有能力話會無限期。

人力周三傾邊個做主席

另外，人民力量今個星期三開執委會，傾邊個接劉嘉鴻棒做主席，有傳立法會議員陳偉業（大）係人選之一。大前幾日就同Emily斬釘截鐵咁話唔會做人力主席，慢必都講到明唔會做，又話大無意思做，唔知最終寶座花落誰家？