調查：7年輕人就有1個「月光族」

【明報專訊】80後及90後係社會新力軍，美國萬通亞洲委託港大調查，發現34％受訪在職80後及90後，最大夢想係「買樓」。不過，要買樓儲首期確唔易，調查顯示，每7個受訪者中，就有1人係「月光族」，即係每月搵幾多就使幾多。


34%話最想買樓

港大喺今年首季訪問500幾個在職年輕人，問佢哋有咩夢想，其中34％話最想「買樓」，跟住係「擁有更理想的工作畧郱~」（18%）、「擁有更多錢」（12%）及「環遊世界寗遊」（11%）。


要達成以上夢想，就要努力工作同投資儲錢，但調查就話，每7個受訪者，就有1個會把每月收入花光，甚至入不敷支。不過，調查亦發現，有25％受訪者有儲蓄，而有投資嘅都有11%，佢哋每月嘅儲蓄金額中位數約4000元，而投資金額中位數則約2000元。


萬通亞洲就教路話，以累積120萬元首期作為達成「買樓」夢想為例，若透過投資，假設每年回報率9%，10年就可以達成理財目標；若透過儲蓄，假設每年回報率3%，就要等14年咁話。


調查亦有問年輕人對現時工作嘅滿意度，以10分為滿分，平均6.3分。佢哋工作不滿嘅三大原因，分別為「收入太低」（42%）、「工作時間太長及欠彈性」（33%），同埋「晉升制度不明確」（17%）。