內地客要港航賠1蚊

【明報專訊】內地《南海網》報道話，有內地乘客唔滿意香港航空人員，喺講解安全措施時只講英文同廣東語，但就無用普通話，係嚴重危害唔識英文、廣東話嘅乘客安全，亦侮辱咗講普通話同胞嘅人格，要求道歉兼賠償。


稱侮辱人格 促公開道歉

呢個乘客好嬲，佢同內地記者講﹕「這沒有道理，香港是中國的一部分，况且港航是海南航空旗下公司，執飛的又是國內航班，乘坐航班的多數人都是說普通話的內地乘客，於情於理都沒有理由拒絕說普通話。」


事發7月5日，來自海口嘅張先生乘搭港航HX108航班，由海口飛香港，佢引述港航乘務長向佢解釋，港航係香港航空公司，根據香港民航處規定，須以英語、粵語作安全解說，若乘客有需要，會安排人員再以普通話解說一次。報道指港航曾透過微博向張先生道歉，但張先生要求正式公開道歉，並且賠償精神損失1元人民幣，否則聲言會採取法律行動。至截稿前，Emily搵唔到香港航空回應事件。