新聞類別
財經
詳情#
【明報專訊】大陸經濟前景未明，近排對樓市嘅調控似乎少咗啲，內房股上半年普遍賣樓賣得唔錯。一向係風頭躉嘅恒大（3333）近排好似低調咗，但原來佢上個禮拜請咗一批香港分析員上廣州參觀新總部，聽主席許家印講吓公司嘅近况。許總同其他高層親自招呼一眾分析員，係想話畀投資者知：恒大唔同咗！
恒大過往同萬科一樣玩「貨如輪轉」，先做到今日一年賣樓幾百億元。不過亦因為追求「量」為主，恒大毛利率喺行內出名低。但係，就同中國嘅經濟一樣，高增長冇可能直到永遠，所以許總就變陣，要公司追求毛利率。
樓盤裝修 改用平價材料
咁究竟點樣推高啲毛利率呢？一切從細節着手，例如佢哋啲樓盤，以前裝修係用天然雲石，家就改用人工雲石（小琴都唔知仲係唔係雲石），以前用綠色玻璃，家就改用價錢平啲嘅白色玻璃等等。搞咁多嘢，目標都係想將毛利率推高幾個百分點喎，唔知今年內達唔達到呢！
睇番恒大6月賣樓金額，按年升27%，但涉及樓面只係增加唔夠半成，似乎呢個「講利潤率」嘅策略已經初見成效。不過探子回報，恒大個新總部，即係喺廣州珠江新城嘅恒大中心，就絕對落足料，裝潢超級豪，不改許總風格。Well！話晒，許總被譽為「最帥內房老總」，公司總部當然要豪先切合身分啦喂！
email: [email protected]
恒大過往同萬科一樣玩「貨如輪轉」，先做到今日一年賣樓幾百億元。不過亦因為追求「量」為主，恒大毛利率喺行內出名低。但係，就同中國嘅經濟一樣，高增長冇可能直到永遠，所以許總就變陣，要公司追求毛利率。
樓盤裝修 改用平價材料
咁究竟點樣推高啲毛利率呢？一切從細節着手，例如佢哋啲樓盤，以前裝修係用天然雲石，家就改用人工雲石（小琴都唔知仲係唔係雲石），以前用綠色玻璃，家就改用價錢平啲嘅白色玻璃等等。搞咁多嘢，目標都係想將毛利率推高幾個百分點喎，唔知今年內達唔達到呢！
睇番恒大6月賣樓金額，按年升27%，但涉及樓面只係增加唔夠半成，似乎呢個「講利潤率」嘅策略已經初見成效。不過探子回報，恒大個新總部，即係喺廣州珠江新城嘅恒大中心，就絕對落足料，裝潢超級豪，不改許總風格。Well！話晒，許總被譽為「最帥內房老總」，公司總部當然要豪先切合身分啦喂！
email: [email protected]
留言 (0)
