泳池改磨砂玻璃防走光

【明報專訊】位於西鐵天水圍站旁邊嘅屏山天水圍文化康樂大樓噚日開幕，大樓集圖書館、體育館及游泳池等文娛康體設施於一身，樓宇仲攞咗建築師學會大獎。


不過，民建聯早排就將大樓內嘅泳池看台列為女士走光黑點，因為透明玻璃嘅設計，企喺看台上好易走光。管理大樓嘅康文署從善如流，Emily噚日喺開幕禮發現，玻璃圍欄已變成磨砂面（箭嘴示），所以一眾嘉賓都夠膽喺度合照。如果大型商場都肯學政府咁改善設計防走光，咁我哋女士行街都可安心啲啦。


噚日出席活動嘅嘉賓，包括民政局長曾德成、公共圖書館諮詢委員會主席梁智仁教授及元朗區議會主席梁志祥等。