香港明信片 齊寫都市回憶

【明報專訊】香港社會發展回顧項目，今日起將會舉辦「重拾都市回憶——憑卡寄意」活動，市民一連兩個月，可在不同地區郵政局同街坊會，免費取得以10個港九地標為題嘅「都市回憶」明信片，包括半島酒店、中電舊總部鐘樓、油麻地果欄、山頂纜車等。市民只要喺明信片後面寫上個人相關回憶同經歷寄回，唔使郵費，呢啲小故事就有可能喺明年初嘅展覽公開展出。


香港社會發展回顧項目籌辦呢個活動，係希望鼓勵大眾積極參與保育香港歷史，透過分享個人嘅經歷同回憶，講出更多有關地標嘅故事，豐富本地歷史。明信片可以喺中環郵政總局，九龍中央郵政局，尖沙嘴、旺角同九龍城郵政局，仲有幾個街坊會免費領取。