乒乓小子想做大狀

【明報專訊】曾經喺2007年時任國家主席胡錦濤訪港時，同胡爺爺打過波嘅乒乓小子趙頌熙，轉眼間就喺喇沙書院畢業，仲喺DSE考獲理想成績，應該可以順利入讀港大，希望入到心儀嘅法律系。過去一年為讀書大減打波時間嘅趙頌熙，始終情迷乒乓波，笑笑口話考完試終於可以打番全日波！


1年速讀3年書

趙頌熙話，中四、五為咗參加比賽，差唔多無返過學，全靠班主任將課堂重點記低再交畀佢，但其實都好少時間讀書。為咗應付DSE，趙頌熙話佢中六要放下乒乓波，每日只打兩個鐘，用8個鐘溫書，以1年時間讀3年課程，其實都好辛苦。佢最終考到2科5*、3科5級嘅理想成績，應該可以入讀港大。


趙頌熙希望入讀法律系或者政治及法學系，因為佢中四開始決心要做律師，為社會爭取公義；而且佢好辯論，鍾意思考，所以覺得自己好識合讀法律咁話！Emily見佢滿懷大志，都好希望佢可以如願以償，仲要繼續喺運動場上繼續為香港爭光！