光華主任李應平升官 「在港一年如一輩子」

【明報專訊】由江素惠及平路，到羅智成及張曼娟，香港回歸16年，台灣嘅駐港機構光華新聞文化中心，已經換咗4個中心主任，而現任主任李應平來港履新只有10個多月，又話要走，佢今個月底會低調離港。中評社報道，李應平會升任台灣「文化部政務次長」，下月生效。至於光華主任一職，將由資深媒體人、藝評人盧健英接任。


盧健英接任

李應平去年8月底上任，至今10個月，佢嘅任期雖短，但未破上任只有9個月嘅張曼娟紀錄。李應平接受查詢時，話香港係好有活力嘅城市，佢平時嘅工作非常忙碌，「在這裏一年，好像經歷了一輩子似的」。每逢假期，佢就會周圍去，發現香港嘅天然地理環境好豐富，例如地質公園，另外佢又對港府致力保育文物印象深刻，日後如有機會，一定會再訪港。