倪匡籲家長：讓子女自由發揮

【明報專訊】今年書展的焦點之一是「衛斯理50周年展」，曾說過「唔好煩到我就得」的《衛斯理》原作者倪匡，昨現身書展講座，吸引逾200名「衛迷」到場對談。被問及倪氏兄妹（其妹筆名「亦舒」）均為著名作家，是否由父母從小培養；倪匡笑言父母都很普通，當年「無得補習，又無學小提琴、鋼琴同羽毛球」等才能，又認為現今家長毋須過分管束子女，可讓他們自由發揮興趣。


子女倘無興趣 「畀鹹書都唔睇」

年屆78歲的倪匡昨撐着拐杖進場，顯得精神奕奕，配以招牌笑聲說﹕「又要你哋聽個又肥又老嘅人講嘢！」回想過去撰寫《衛斯理》系列作品，他表示自己從小看書，融會貫通後才發展出不同古怪故事，對於當中情節如耶穌是外星人、智能電腦與人相戀，成為科幻小說的先驅，笑言也只是「自己在胡思亂想」寫成。


至於有觀眾問及，應介紹哪本小說予孩子閱讀。倪匡認為，不應用年齡限制小朋友的興趣，又譬喻道﹕「如果佢無興趣、唔夠成熟，你畀本『鹹書』（色情刊物）佢都唔睇。」他說，兄妹二人也無特別才能，妹妹亦舒也是在16歲時突然想當作家，一直成功至今，笑言「佢叻過我。我可以寫『南極有恐龍』，佢寫愛情小說，來來去去都一男一女、三男四女，但就係會想睇落去」。


倪匡以「一個蠢人」來總結一生，表示會以樂觀心態、面對悲觀現實，如有朋友遺失了銀包，會認為「佢命中注定要唔見銀包，就咁跌喺大堂咪好。如果畀人搵支槍隊住，唔受傷都有排驚」。


他認為已用盡「寫作配額」，當有「衛迷」問及衛斯理現時在哪處，倪匡回應說﹕「都無衛斯理呢個人，佢係小說人物嘛，你鍾意佢去邊都得﹗」