六合彩兩注中 各分4000萬

【明報專訊】萬眾期待嘅最新一期六合彩噚晚揭盅，本來頭獎一注獨中可派彩7500萬，唔少市民都想發橫財夢，呢期嘅投注總額高達1.26億，點知結果頭獎兩注中，每注派彩4079.1萬，幸運兒一注獨中嘅希望幻滅。


噚晚係第83期六合彩，攪珠結果為3、17、20、26、33、47，特別號碼34。頭獎兩注中，每注派彩4079.1萬；二獎4注中，每注派146.94萬；三獎215注中，每注派7.29萬。雖然今次唔係一注獨中，但Emily諗起舊年5月，頭獎有7.5注中，每注「只分得」106萬，所以今次派彩一啲都唔弱！下期六合彩會喺星期二（23日）晚舉行。