鄭月怡成文憑試首8優狀元

【明報專訊】第二屆文憑試大部分科目已經喺上星期一放榜，只剩下丙類其他語言科目噚日放榜。本來已經係7優女狀元、聖保羅男女中學應屆考生鄭月怡，西班牙語考試亦奪得最高A級成績，換言之即係今屆全港首名8優狀元，連同數學延伸部分考獲5**，可謂今屆文憑試終極超級狀元。


放榜當日鄭月怡同記者分享話將來有志成為律師，最想入讀港大法律系，因為西班牙文係世界第三大語言，覺得有助日後工作，所以專登學埋西班牙文。今次西班牙文考到A級，相信有助佢嘅發展。


第二屆文憑試一共有245人應考丙類其他語言科目，最多114人應考日語，六成三人奪A；其次係法語，有89人應考，約兩成人奪A；之後就輪到西班牙語，有20人應考，連同月怡在內，一共有9人考獲A級，奪A率有45%。