旅行前減肥 單身族恨異地戀

【明報專訊】酒店網站Hotels.com最近同亞洲約會服務公司「Lunch Actually」合作，喺網上訪問約會公司300個單身會員，發現佢哋原來四分之一人單身去旅行時，都想喺旅行中遇到真愛，所以有三成受訪者會喺去旅行之前減肥，務求以最佳狀態漫遊異國。最重要嘅係有三成受訪者話，曾經最少一次喺旅遊中同其他人調情（flirt），部分人喺旅程後發展成異地戀。


調查仲話，五成受訪者都覺得酒店嘅酒吧係最佳邂逅異性嘅地方。Hotels.com亞太區高級公關經理陳芷雅就話，家有好多酒店都有專門為單身旅客度身訂做嘅設施同服務，佢鼓勵單身客可以趁假日出門，話唔定會遇上一段畢生難忘嘅愛情故事。


五成人話識異性 酒店酒吧最好

另外，「Lunch Actually」嘅CEO林笑岏就話，其實有好多動人嘅戀愛古仔都發生喺無憂無慮嘅旅行假期入面。