細孖葉國忠入ICU

【明報專訊】前市政局議員、民建聯黨團召集人葉國謙嘅孿生細佬葉國忠，上個禮拜因為肺炎入咗東區醫院深切治療部（ICU），情况一度幾嚴重，但醫生開咗抗生素畀佢，藥效都好似幾好，葉國忠家已經清醒，但仍要用呼吸器喺病房留醫。


抗生素藥效好 仍用呼吸器

葉氏家族喺民記一門多傑，葉國忠個仔葉傲冬，家係油尖旺區議員。葉傲冬同Emily講，噚日朝早見過醫生，醫生話爸爸對藥效反應幾好，如果情况繼續好轉，期望下一步可以唔使再用呼吸儀器。佢又多謝大家關心。


曾患鼻咽癌 抵抗力變差

葉國忠喺1995年曾患鼻咽癌，之後曾復發，但做過手術後康復，惟其後身體抵抗力會變差，要好小心調養，但早前佢染上肺炎，搞到昏迷入院。