新聞類別
港聞
詳情#
【明報專訊】民建聯吸引支持者，細路仔都唔放過！學生放暑假，不同政黨團體都會搞吓暑期班等學生參加，其中民建聯元朗支部就打算舉辦小律師、小記者培訓班，前者畀10至15歲少年參加，後者就歡迎中一至中四同學。
民建聯律師人數唔算多，海報上亦無寫明邊個教，雖然只上兩堂，但呢個小律師班學嘅嘢似乎都幾深，包括了解乜係刑事訴訟同民事訴訟。
小律師培訓班由民建聯元朗支部、該黨專業事務委員會舉辦，學嘅嘢唔馬虎，會了解常見罪行刑罰，又會參觀法院。至於小記者工作坊，除咗參觀立法會外，海報亦寫明會搵現職傳媒工作者做導師，包括講吓人物訪談等採訪技巧。
兩個班都會收取學生100元，但若參加者上足堂，就會全數退回，唔知民建聯可唔可以透過呢類暑假班吸納年輕人呢？
民建聯律師人數唔算多，海報上亦無寫明邊個教，雖然只上兩堂，但呢個小律師班學嘅嘢似乎都幾深，包括了解乜係刑事訴訟同民事訴訟。
小律師培訓班由民建聯元朗支部、該黨專業事務委員會舉辦，學嘅嘢唔馬虎，會了解常見罪行刑罰，又會參觀法院。至於小記者工作坊，除咗參觀立法會外，海報亦寫明會搵現職傳媒工作者做導師，包括講吓人物訪談等採訪技巧。
兩個班都會收取學生100元，但若參加者上足堂，就會全數退回，唔知民建聯可唔可以透過呢類暑假班吸納年輕人呢？
留言 (0)
