海富天橋漏水變「瀑布」

【明報專訊】政府總部入伙唔夠兩年，落雨天嘅時候，問題就好易現形。噚日各區不時有過雲雨，雨勢都好大吓，有路人行經連接海富中心同政府總部嘅天橋時，就發現一上電梯，天橋下就見「瀑布」，出現嚴重漏水情况。呢條天橋係港鐵站通往政總嘅主要通道，但噚日變成澤國，即使路人行喺有瓦遮頭嘅天橋，仍然要擔遮，好狼狽，而天橋亦有大量積水。


建築署發言人就話，大雨期間天橋漏水情况，該署已聯絡承建商安排詳細檢查維修，希望盡快搵到原因，例如係咪去水管堵塞所致。