新聞類別
娛樂
詳情#
【明報專訊】曹永廉日前連拍兩劇《守業者》及《寒山潛龍》，一度累得浸在水裏睡着，楊怡形容是「演員背後的辛酸。」誰料昨日凌晨2時，他拍完《寒山潛龍》駕車返家時，因天雨路滑發生交通意外，車尾被的士撞，幸好人沒事，還拍攝照片放上微博說﹕「到我畀人撞！」
同黃浩然蕭正楠鬥爛gag
好友黃浩然、蕭正楠、江美儀等留言慰問，兄弟們知他沒事還跟他搞爛gag。黃浩然笑說﹕「廉哥，見你仲講咁多廢話，應該無事。如果你唔想揸你啲靚車，又需要多啲休息，我聽朝可以楂我架直升機嚟接你開工！」曹永廉抵死回應﹕「兄弟，咁你明天來載我工人姐姐買菜，再去南丫島買蝦膏，再去元朗買老婆餅！」
蕭正楠亦玩埋一份﹕「咁大鑊！最緊要人無事！過兩日我叫工人揸架瑪莎拉蒂畀你代步先啦！有藍紅綠3隻色，大個仔自己揀啦！」曹永廉笑說﹕「嗰幾架車你又話無錢供，下個月銀行收番，無謂借畀我喇！我仲有架法拉利同林寶可用，不過仲有啲驚，呢幾日會用直升機返工先！」蕭正楠搞笑叫他睇腦科。他不示弱道﹕「腦科介紹咗你睇開嘅精神科畀我，叫我順便帶你覆診。」
文﹕娛樂版
留言 (0)
