高永文單手抱契孫

【明報專訊】噚日係「國際哺育周」，有過百名媽咪帶住精靈可愛BB出席母乳哺育活動，作為嘉賓食物及衛生局長高永文亦盡顯愛心，即場施展「單手抱BB」絕技，邊同人談笑風生全無難度，原來高局長抱住BB係佢「契孫」、即「契仔」張潤衡（衡仔）初生囝囝張恩博。高局長話自己廿幾年冇抱過B，但絕對唔生手，仲識幫BB掃風，佢話5個月大小恩博雖然比之前瘦少少，但依然好醒目。

高太為張潤衡囝囝施手術

八仙嶺山火中曾遭火劫衡仔話，事前唔知道高永文會出席活動，但上個月先同契爺食過飯。佢透露小恩博兩個月前因為屁股生瘡，要入院做手術，係由「契媽」高太江孟儀操刀，高太之前仲負責接生小恩博。衡仔話家好享受做爸爸生活，但因為老婆要返工，兩口子都為餵人奶問題好苦惱。