新聞統籌專員別政府醫病

【明報專訊】特區政府風雨飄搖，但幫特首梁振英（CY）主理資訊發放嘅新聞統籌專員鄧惠鈞（June）返埋今日工，就正式辭官歸故里。雖然近期傳過好多人選頂替阿June嗰位，但一直只聞樓梯響，聞說特首辦呢個熱廚房仲未搵到人頂上。


阿June去年8月底返工，今年4月已提出請辭，原因係身體頂唔順，數月前出現耳鳴，影響睡眠，病情時好時壞，加上近月出現白內障，因要用電腦睇文件，令雙眼好疲累。Emily噚日見到阿June，佢氣色唔錯，話近期耳鳴好咗少少，但聽人講嘢時仍然會有少少「沙沙」聲，而離開政府佢就可以經常去做針灸治療，希望無工作壓力，多啲休息，可以搞番好身體。