林健鋒話曼聯無拒踢

【明報專訊】香港大球場慘被揶揄為「農地」，更一度傳出英超球隊曼聯想取消對傑志嘅賽事，好彩最後順利舉行，Emily噚日見到贊助曼聯訪港嘅盛事基金嘅評審委員會主席林健鋒（Jeffrey），就問佢拒踢傳言係咪屬實，Jeffrey話無咁嘅事，至少官方上無喎，仲話其實球賽當日天氣唔錯，只係踢巴克萊亞洲錦標賽嗰幾日落大雨。


Jeffrey話當日踏足草皮時感覺唔錯，有啲地方無錯係腍啲，但未至於會拗柴。佢話當日草地望落始終唔太靚，不過家外國有技術可以將枯草噴色染綠，唔會噴死啲草，但呢種技術淨係對枯草有效，如果只係噴落沙地，效果就無咁好。