「陳廣文」退出愛港之聲

【明報專訊】「愛字頭」團體又有核心成員退出喇。過去經常一齊出席活動嘅愛港之聲主席高達斌同常委陳廣文，兩人噚日都有現身旺角行人專用區，出席香港家長聯會支持警方嘅活動，陳廣文更企喺台上做「保安」，防止有人衝上台，不過高達斌話陳廣文早兩日已經退出咗愛港之聲，大家係和平分手。


高達斌：和平分手

愛港之聲前日喺facebook上同陳廣文發出聯合聲明，當日透露陳廣文一個「秘密」，其實陳廣文呢個係假名，佢原名叫「傅振中」，喺聲明度話，因為社會、政治環保不斷急速轉變，以及愛港之聲嘅發展，所以陳廣文亦辭任愛港之聲行動部部長一職，日後「傅振中」一切活動都同愛港之聲無關。